Бөлүмдөр
Жекшемби, 21-январь
69.34    85.18    1.23    KZT 0.21
Жалал-Абад

Кочкор-Ата шаарында бир нече социалдык объектилер оңдолууда

Turmush -  Кочкор-Ата шаарынын инфраструктурасын жакшыртуу максатында бир нече социалдык объектилерди оңдоо долбоорлору ишке ашууда. Бул тууралуу мэриядан билдиришти.

Маалыматка ылайык, алардын катарында Н.Исанов атындагы жатак мектеп-гимназиясынын айланасын темир тосмолор менен тосуу, 8-март, Юдахин, Адышов, Тоголок Молдо жана Семетей көчөлөрүнүн тиешелүү 1435 метр болгон жолду автогрейдер менен сүрдүрүү, шаардын көчөлөрүнө шагыл төгүү, №16, №17 үй-бүлөлүк дарыгерлер тобунун имаратынын айланасын оңдоп-түзөө иштери бар.

Мындан тышкары, долбоордун алкагында бир нече көчөлөргө жарык берүүчү жабдууларды орнотуу, И.Губкин атындагы №14 орто мектептин, Бек уулу Семетей атындагы №15 орто мектептин жана Ч.Айтматов атындагы №28 орто мектептин имараттарын оңдоп-түзөө, карыялар үйүн оңдоо иштери жүргүзүлөт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2270
Комментарии
Обсуждения закрыты
Көп окулду
×